咖喱薯仔洋蔥炆安格斯牛肋條拌葱油薄餅
其實呢道菜式並無任何特別，只係奇在原來我竟然係從未煮過囉🤪摷勻自己個data base都無，仲以為可以搵到以前嘅食譜，寫少好多嘛😌
而作為一道以有限場地、同埋只有基本製作廚具去泡製嘅美味宵夜小食，就當然要預先準備好所有材料，務求以最直接方便嘅方法，煮出最美味可口嘅味道！
就好似我昨晚處理牛肋條一樣！要解凍、去除多餘脂肪、切細、調味、煎香！以為可以一次過完成✅⋯⋯但臨瞓前諗起佢不斷出水，即係煎封不夠⋯⋯今日馬上將佢從雪櫃取出，再加火炙！希望炆出嚟牛肋條會軟腍又Juicy啲！
寫到呢度，我忽然間想到，這正好比喻自己將來嘅生活一樣！碟餸一日未煮好都唔會知道係乜嘢味道！？好唔好食？但只要你細心處理，及認真對待每一種食材！煮得出嚟嘅都一定唔會差得去邊！😋辦法總比困難多，難關難過關關過💪🏻
細細碗嘅咖喱，加入幾片煎香咗嘅葱油餅一齊食⋯⋯嗯😋香脆鬆軟嘅葱油餅，再配上惹味香辣嘅咖喱汁、炸過嘅薯角、炆得軟腍又有口感嘅安格斯牛肋條。造就出今晚嘅美味回憶中嘅細味人生！
#小b廚房
#小b廚房宵夜系列
#咖喱牛肋條
Search